أو الرجل الحقيقي بيعاني من غياب حياة حقيقية بيدور عليها، “True Man Show”.

خرج true man من الأستوديو علشان نفسه يعيش حياة حقيقية، ياريت كل واحد فينا يعيش حياته الحقيقية، يدور فيها على صناعة البهجة، والسعادة والأمل، والإنتاج، العمل لنفسه، ولولاده وللي حواليه، ولبلده، وصدقوني هتفرق كتير، تحياتي نكمل بعد الفاصل.

من أهم الأحداث اللي شهدتها مصر أمبارح الخميس، كانت زيارة ولي عهد أبو ظبي، ونائب القائد الأعلى للقوات المسلحة في الإمارات، الشيخ: محمد بن زايد آل نهيان، ولقاءه بالرئيس عبد الفتاح السيسي، الزيارة دي هي التالتة لولي العهد للقاهرة لفترة 6 شهور، الأولى كانت في 21 أبريل اللي فات، التانية في 25 مايو، والمعلن في كل الزيارات إن الإمارات مساندة لحكومة مصر في شتى الأزمات، مش بس كدا إنها كمان معاها على نفس خط التفكير.

ليه توقيت الزيارة مهم؟ أقول لحضرتك مش خافي وجود خلافات في الرأي ما بين الرياض من جانب، وبين أبو ظبي والقاهرة من جانب تاني حول ملفات رئيسية في المنطقة منها اليمن وسوريا وليبيا، فكرة الخلاف في الرأي ما بين السعودية والقاهرة على وجه التحديد مش جديدة، لأن لمصر ثوابت اسمها أمن العالم العربي من أمنها، وصدقوا أو متصدقوش مصر طول الوقت حريصة على أمن العالم العربي، حتى من نفسه، مصر ثابتة السعودية غاضبة من موقف مصر في سوريا، السعودية بتمنع تنفيذ اتفاق شركة أرامكوا لتوريد البترول لمصر للشهر التاني على التوالي، بفكر أن مصر ممكن كدا تتراجع، السعودية بتتلفظ بعض مسئوليها وصحفيها بعبارات غير مسئولة ومصر ثابتة حتى في علاقتها بالسعودية نفسها، اللي مش مدركة أبعاد مأساتها، وأن حفر الأرض تحت رجل أي بلد تاني معناه إن الأرض هتضعف تحت رجليها هي كمان.