مصدق بس يا ترى لو فضل في الفصل ده هيصدق لحد أمتى؟ هيبقى ماشي زي ما هو فاهم لحد أمتى؟ الحوار ده مهم أوي مهم أوي مش بس في الجامعات مهم أوي حتى في تعليمنا نماذج الامتحانات نماذج الإجابات يعني لا تناقش ولا تجادل هو ده اللي ودانا في ستين داهية هو ده اللي مسح عقولنا خلونا نكمل الكلام المهم ده مع دكتور أسامة الأزهري عضو الهيئة الاستشارية لرئيس الجمهورية يمكن يبقى فيه بعد الكلام كلام نتقابل بعد الفاصل.
أهلاً بيكم مرة تانية بعد الفاصل وكلام عن مسخ العقول عن مسح العقول أزاي متسمحش لحد يسيطر على عقلك، أسمحولي في البداية أرحب بدكتور أسامة الأزهري عضو الهيئة الاستشارية لرئاسة الجمهورية فيما يتعلق في فكر وتنجيد الخطاب الديني دكتور أسامة أذي حضرتك؟
كل سنة وحضرتم طيبة.
وحضرتك طيب منورنا مرة تانية في الحلقة حضرتك شفت الفيلم؟
أه.
أتنين زائد أتنين تساوي خمسة تساوي خمسين تساوي ستنين إيه ده يا دكتور؟ تعليق حضرتك الأول موافق على إن ده بيحصل في عقولنا العربية ولا مش موافق؟
لأ ده بيحصل في وسايل التعليم المختلفة مدارس وجامعات، ده بيحصل في دروس الدين في المساجد، ده بيحصل في السوشيال ميديا، ده بيحصل في ثقافة المجتمع عمومًا العقل العربي المصري المسلم بالدواير المختلفة دي المصري أولاً العربي المسلم مُصاب بصدمة معرفية وبركود وتخلف عن ركب الحضارة من فترة كبيرة، الهدف الأساسي للعملية التعليمية بكل أشكالها وصورها أن تطلق العنان على أوسع مدى لهذا العقل أن يُفكر وأن يُبدع وأن يتعلم كيف يربط المعلومات اللي موجودة عنده عشان يستنبط منها معلومات جديدة إنه يحلل إنه يقارن إنه يستنتج
