ما دام فيها مُخلصين مش عايزين حاجة غيرها، “نعمات أحمد فؤاد” الست “نعمات أحمد فؤاد” شكرًا ألف شُكر، حنكمل بعد الفاصل وحديث عن “بنت النيل” مع دكتور”أحمد طاهر” ابن دكتورة “نعمات أحمد فؤاد”.
أهلا بيكم مرة تانية، سعيدة إن أنا النهاردة بأشرُف بالكلام أو بالحديث عن السيدة الفاضلة الست الدكتورة “نعمات أحمد فؤاد” في حضرة العزيز الطيب دكتور/ أحمد طاهر، هو لما نيجي تعرف دكتور/ أحمد طاهر لازم تقول إنه واحد من العقول الجبارة في مصر في الإدارة والتسويق وفهم كمان حوكمة الشركات، لكن لما تيجي تعرفه التعريف المهني بالظبط فهو أستاذ الإدارة وإدارة الأعمال في الجامعة الأمريكية ونجل العظيمة الطيبة دكتورة/ نعمات أحمد فؤاد، يا دكتور مساء الفل.
مساء الفل عليكِ.
إزي حضرتك؟
الحمد لله ربنا يخليكِ.
كله تمام؟
كله تمام
عايزة أسألك سؤال عمري ما سألتهولك.
قولي..
أنا بس حقول لحضراتكم أنا والدكتور/ أحمد طاهر الأول اتعرفنا إزاي؟ أنا في (2008) عملت موضوع كبير قوي عن “نعمات أحمد فؤاد” أنا عاشقة لهذه السيدة بس هو مكنش موجود في البيت كان موجود كان موجود الحقيقة دكتورة/ حنان أستاذة/ حنان اللي هي أخت وبنت دكتورة/ نعمات، ففوجئت بعد ما الموضوع اتنشر بكتاب رائع مجلد كدا ومكتوب ومبعوتلي على “المصري اليوم” مكتوب عليه: إلى أعظم من كتب عن أمي، بس فأنا مبقتش عارفة دكتور/ أحمد طاهر فأنا مش عارفة يعني وبعدين بقى لقيته سايبلي رقم تليفونه فاتكلمت فلقيت إن دكتور/ أحمد طاهر هو ابن دكتورة/ نعمات أحمد فؤاد ومن يومها بدأت علاقة لأني قريت كتاب من أروع ما كُتب عن العلاقة بين الأم وبنتها، صح؟
نعم طبعًا.
