يا دكتور كمان يعنى أنتوا فبقى مقر استهزاء؟ يا عم أنت بتقول إيه يا عم هي جت على دى يا عم أنت مكبرها، ليه مش مدركين أنها جوانا سند فعلا يعنى حتى فكرة السند راح من جوانا أنا قوى بنفسى وأنا أقدر أعمل كل حاجة ومش محتاج حد.
عارفة ليه؟!
ليه؟
تربية…التربية مشكلة كبيرة جدا في مصر الناس في مصر في أغلب الأحوال بتربى ولادها غلط على مفاهيم غلط وعلى قناعات غلط وعلى ممارسات غلط غياب القدوة الابن اللى طالع شايف أن ابوه مقاطع اخواته كلهم متصورة منه أن هو يفهم ازاى اللمة والعزوة، البنت اللى طالعة وشايفة أن مامتها عمالة تقول لها أنتى أحسن من بنت خالتك أنا عايزاكى تبقى أحسن من بنت خالك ومركزة كل المنافسة وكل المقارنة مع قرايبها، مش تقول لها أنا عايزاكى أحسن واحدة في المدرسة عايزاكى أحسن واحدة في البلد عايزاكى احسن واحدة في العالم لا لا لا المقارنات القريبة اللى خلت البنت تشوف هي بنت خالتى اتجوزت ازاى فأنا عايزة أتجوز زيها؛ كل ده وجد جوه الناس غيرة وجد جوه الناس حقد وجد جوه الناس منافسات ضيقة على فكرة لما نيجى تقيسي حاجات على الوطن العربى كله تلا قيه نفس الكلام.
صحيح.
كل همنا السعودي ألطف ولا الكويتي ألطف مين فيهم أشيك في اللبس مين فيهم متعلم أحسن وناسيين أن هم الأتنين صفر جنب أمريكا وإحنا معاهم تمام هم الأتنين صفر جنب إنجلترا وإحنا معاهم هم الأتنين صفر جنب كندا وإحنا معاهم، فإحنا مشغولين قوى نقارن نفسنا ببعض المقارنات القريبة دى شغلتنا جدا فالتربية مشكلة كبيرة…
بس حتى الخلافات يعنى حتى حدود الخلافات
