بتقول النهاردة إن عندي استثمار علي أرض الواقع محتاجه منه كتير أوي في كل ربوع مصر محتاجه أشوف مصانع ومواتير كتيرة مصنع البيتروكيماويات اللي افتتحه الرئيس النهاردة في الاسكندرية الحقيقة بيعني بالنسبة ليا استثمار نمره 2 يعني تشغيل إيد عامله نمره 3 وبيعلى رأس مال وطني لأن 51% من انتاج أو من تكوين هذا المصنع رأس مال هذا المصنع لبيتروجيت و الـ 49% لـ 18 بنك في قلب مصر، يعني رأس المال مصري خالص، إذا حضرتك مش شايف إن دا إنجاز ضخم إذا حضرتك مش إن دا بيحط بلادك علي طريق الاقتصاد الصح يبقى فيه مشكلة، جزئية تانية الحقيقة أحب أتكلم مع حضراتكوا فيها وكانت محور نقاش قبل بداية الحلقة بلحظات مع زمايلي في الإستديو، المواطن طول الوقت يقولك أيوا أنا هعمل إيه بالمصنع أنا هعمل ايه بالقناه أنا هعمل إيه بالنفق وأقول لحضرتك أنت كمواطن تعمل إيه، أحكيلك حكاية كل الشعوب والمجتمعات اللي نجحت أنها تبني نفسها التنمية مبتجيش كدا، يعنيى التنمية مبتجيش والناس بتقول أنا والدولة التنمية بتيجي لما الناس والدولة يبقوا حاجه واحد أنا الدولة أيوا لازم تقول كدا علشان تبقا مقدر اللحظة اللي إحنا فيها أنا الدولة ما فيش حاجه اسمها أنا والدولة فالدولة بتعمل ولما يعود عليا أبقا أقول شكراً للدولة، إطلاقاً التنمية بيندفعلها، عفواً التنمية بيندفعلها ثمن النهضة ليها مقابل بمعنى أن حضرتك مش معقول تبقا بتشوف 3500 كيلو متر بيتعملوا في شبكة طرق إحنا كلنا شايفينها كباري بتتعمل بيتعمل 800.000 ألف وحدة سكنية لإسكان اجتماعي بيتعمل 150.000 وحدة سكنية أول بداياته كانت في الاسمرات اللي ابتدت الناس تسكن فيها لأهالينا اللي كانوا سكان العشوائيات