دراستها في مارس اللي جاى ده و ده المعاد اللي هتتقفل فيه المحطة خلاص.
وعايزة أقول لحضراتكوا حاجة، ببساطة هي دي الإنسانية ببساطة هو ده احترام المواطن أيا كان هو مين ببساطة هو ده الحقيقة التوصيف الحقيقي لأداء الأمانة بالنسبة لأى مسؤول في مهامه اللي بيؤديها في الوطن في أي حكومة.
وادعوا معايا. يرزقنا ربى بحكومة تقفيل ياباني تقدر تسعد شعبها وتهتم بتفاصيل حياة كل مواطن و لحد ما يحصل ده خلينا نقول مع حضراتكوا، أنكوا أنتوا كمان تقدروا ترسموا السعادة في حياتكوا للي حواليكم بكلمة واحدة و ابتسامة تهديها ليهم، مش بس بمنطق انت كمان تحس بسعادة لكن كمان بمنطق أن تبسمك في وجه أخيك صدقة –يا طيب- تبسمك في وجه أخيك صدقة، اعمل الورقة و اكتبها و ابتسم في وشه وساعد الناس لحد ما يجيلنا حكومة تقفيل ياباني ودايما خليك متفائل أن مصر طيبة و بخير و عمرها لا هتكون أوكرانيا ولا هتكون تونس. نشوف الفيلم ده…
و هكذا يا طيبين تقدروا تسعدوا كل اللي حواليكوا -الحقيقة- الحياة صعبة وفيها حاجات كتير متعبة وكل واحد فينا بيأدى حدمة للتانى وكلنا بنخدم على بعض وكلنا بندور في دايرة واحدة علشان نخدم بعض؛ اذا كلنا نقدر نسعد بعض بكلمة طيبة طالما أن إحنا هنعمل الدور المطلوب حقيقي خلاص هنعمله، هنعمله طب ما نعمله و إحنا بنضحك نعمله و إحنا مبسوطين و الكلمة الطيبة صدقة و الابتسامة في وش أخوك صدقة، ليه بتحفظوا الدين شعارات؟! ليه بتطبقوا الدين كلام؟! طبقوه أفعال الحقيقة علشان هو ربنا بعت الأديان، بعت الدين عشان رفاهية البنى ادم واحترامه لنفسه و احترامه لغيره، قد إيه الحياة جملة
