و إحنا بنطبطب على بعض بس كده طبطبة وتحسيسه بخير، ونقول لبعض أيوه إحنا نقدر نكون كويسين أيوه نقدر نعمل حاجة كويسة أيوه نقدر نكون مع بعض حتى لو بكلمة، بالظبط كده زي الراجل اللي هو يعنى بيكنس الشارع فلقى ورقة واقعة على الأرض فالست -يعنى- راحت حطاها له في مكانها و راحت كاتبه له ورقة كمان و ما قالتلوش هو إيه.
زي البنت نفسها الراجل ده نفسه هو كمان أتحرك في طريق علشان يلاقى واحد شايل كراتين و مش عارف يفتح الباب؛ فيفتح له الباب و يحط له الورقة في الكراتين، نفس الراجل يحطه في الشنطة لمراته اللي نازلة مستعجلة علشان الشغل، نفس الزوجة -تحطها لست- أو تساعد سبحانه وتعالى إنها تعدى الشارع اللي مش راضي تقف العربيات فيه وتديها للراجل اللي سواق العربية اللي متنرفز علشان هو وقف فجأة، نفس الراجل اللي كان زعلان يروح بيته فيلاقى ابنه زعلان علشان النجمة بتاعة شجرة الميلاد أتكسرت فيعملوا من الورقة ديه الحقيقة يفتحوها يلاقوا فيها حاجة بسيطة قوى. اضحك ابتسم، اه والنبي ده النبي تبسم فا بما أن النبي تبسم إحنا محتاجين نضحك في وش بعض كتير، وبلاش غباوة القلوب عارف القلوب بتجمد وبتتحول لحجر لما العقول تصدى ولما القلوب تبقى الحقيقة ما فيهاش خير والبسمة والابتسامة والطيبة، أول طريق طريق الخير خليك طيب يا طيب…نتقابل بعد الفاصل.
ونكمل كلامنا الحقيقة على حاجة مهمة حصلت امبارح و أول امبارح، أول امبارح يوم الأربع بدأت زيارة الرئيس الصيني “شي جين بينج” لمصر زيارة مهمة اقتصاديا و سياسيا و استراتيجيا، الحقيقة دا لأسباب كتير أهمها ما تم الإعلان عنه من توقيه اتفاقيات
