الصحفي بينه وبين الرئيس السيسي بان 100 شركة صينية بتستثمر في المرحلة التانية لمحور القناة ب2.5 مليار دولار.

نيجي بقي لجزئية مهمة قوى، طريق الحرير إيه حكاية طريق الحرير؟ نقول يا سادة ونبدأ الحكاية من الأول، المشروع ده أعلنت عنه الصين في 2013 عبر إعادة إحياء هذا الطريق طب حكايتة إيه؟ الحكاية دي بدأت من أكتر من 3000 سنة، زي ما حضراتكوا شايفين الخريطة دي من أكتر من 3000 سنة، شوفوا كان بيتفرع بهذا الشكل يعني كان بيبدأ في الصين وبعدين بيمشى في آسيا وبعدين ينتقل إلي ماشى في آسيا وبيعدى على الهند وبيعدى على إيران اللي هي بلاد فارس وبيعدى على الجزيرة العربية وبعدين يعدى على انطالية في تركيا وسوريا وبعد كده يسيب البحر المتوسط وبعدين يوصل لأوروبا، كده عنده جزء من الجنوب كمان تانى اللي هو يعدى من تحت الهند يلف حوالين الهند وبعدين يلف حوالين قارة آسيا وبعدين يدخل مضيق باب المندب وبعدين يدخل البحر الأحمر ثم إلي البحر المتوسط مرة تانية ومصر وبعدين عنده بيكمل تانى قبل ما يدخل باب المندب ممكن كمان يوصل للصومال ولأفريقيا. زي ما حضراتكوا شايفين ده طريق الحرير من 3000 سنة ومع نشأة الحضارة الصينية كانت الصين سباقة في تصنيع الحرير الطبيعي من دود القز وغزت بيه أسواق وبلاد العالم القديم، الطريق اللي كان بيسلكه التجار في الصين كان بيبدأ من المراكز التجارية في شمال الصين، وبيتفرع لأكتر من ممر بيمر في أوروبا وواحد تاني زي ما قلت لحضراتكوا على الخريطة ياريت نعرضها تاني، بيروح لحد آسيا لحد تركيا وسوريا للبحر المتوسط وبعدين فرع تاني يوصل ويلف حوالين شبه الجزيرة العربية