مربط الفرس بالنسبة لينا وده رد على اللي قالوا أن طريق الحرير هياخد من قناة السويس أهميتها وممكن يعطل زيادة الاستثمارات فيها، وعلشان كده يا سادة كانت زيارة الرئيس المصري عبد الفتاح السيسي في سبتمبر2015 للصين؛ للتأكيد على-لو حضراتكوا تفتكروا-على دعمه لطريق الحرير والترويج لمحور قناة السويس ومرور السفن التجارية فيها دعما لهذا الطريق، وعلشان كده يا سادة برضو كان توقيع مصر والصين إمبارح الخميس بقصر القبة لمذكرة تفاهم بشأن الحزام الاقتصادي بطريق الحرير، وطريق الحرير البحري للقرن ال21 وعقد بخصوص التعاون التجاري والاقتصادي بالمنطقة الاقتصادية بقناة السويس ومذكرة تفاهم بشأن تخطيط محور قناة السويس…

الطريق هيتفرع لأكتر من فرع إنطلاقا من الصين وفقا للخرايط المعلنة وبحكم موقعنا ومروره علينا هيخلي من مصر مركز استراتيجي واقتصادي مهم في المنطقة والعالم كله وهيفتح الطريق لينا لعقد شراكات وتحالفات اقتصادية، أفريقية وإقليمية ودولية خصوصا في ظل شكة الطرق الداخلية اللي دلوقتى مصر بتستكملها علشان تكمل تقريبا 3500كيلو متر علشان تكون تمتد حتى الجنوب المصري علشان تكون بوابة مصر على أفريقيا، وربط ده كله بموانئ ومطارات جديدة أعلم أنه يتم إنشاءها،

كل ده وبتقول لي يا افندم أن مفيش أمل يا طيب قوم أمسح نضارتك أو غيرها وغير من نفسك وأشتغل بضمير وبطل أنتخة، قوم بلدك بتبنى نفسها وبتساعد أهلها ساعدها وأيدك في أيد أي حد شغال مهما أن كانت المعوقات اللي أنت بتتكلم عنها أو بتشتكى منها حارب يأسك-ياطيب-وفشلك ومبررات قعادك حارب الفساد في أي مكان وخلى الإصرار يحرك عزيمتك.

الصينيين بيعيدوا العزيمة والحياة والنبض لطريق عمره أكتر من 3000سنة، وأنت مش عايزنا نعيد الحياة لبلد علمت العالم حضارتها من 5000سنة،