على يقين من ده ليس بنظرية المؤامرة ولكن بشهادة من ينتمون لهم أو بيشتغلوا معاهم أو هم بيقولوا إيه اللي بيحصل، خلاص بقت العملية مكشوفة قوى. الحقيقة سؤالي لكل واحد النهاردة لسه فاكر أن طوق النجاة موجود في الغرب، تفتكر طوق النجاة موجود في الغرب؟!!، سؤالي لكل واحد فينا لسه مصر على الهدم، تفتكر الحل في هدم بلادك؟! ملعون كل واحد ما يحافظش على بلاده.

لازم أختم كلامي النهاردة وأقول لحضراتكوا مرة تانية ربنا يبرد قلب كل أم قدمت ضناها علشان تحيا مصر، وأقول أنا من عندي الحقيقة مصر –زي ما قال الأستاذ طه الخطيب- مصر مش أوكرانيا، وأقول تاني من عندي مصر مش تونس في2015 مصر مش تونس خليكوا فاكرين الكلمة دي، اللي بيحصل في تونس النهاردة من فرض حظر تجول نتيجة لاحتجاجات بدأت في مدينة القصرين وامتدت لكل تونس مصر النهاردة مش تونس؛ في شعب واعي في شعب هو اللي هيحمي بلاده قبل جيشه وشرطته خليكوا فاكرين ده كويس قوى، خليكوا فاكرين ده كويس قوى، الكلمة دى لكل واحد مغيب أو خاين أو مش فاهم يعنى إيه كلمة وطن تحياتي لحضراتكوا…