مفيش حاجة أسمها انه كل المواطنين شرفاء لكن انا اعرف كويس اوي ان الصمت خيانة والبيع خيانة والتجاهل خيانة والخوف في اللحظة دي كمان خيانة، يعني هيحصلك ايه اكتر من اللي حاصل في بلادك ولأهلك وأكيد اللي بيدافع هناك في سينا مش بيدافع عن نفسه ووجوده فقط هو بيدافع عنك كمان ياللي قاعد في سينا وبالتالي مفيش حاجة اسمها ان كل الطيبين اللي ساكنين في العريش او في سينا كلهم طيبين كلهم هايلين كهم رائعين لأ، الصمت خيانة المشاركة خيانة والجبن خيانة في اللحظة دي والموت جاي جاي خلي ييجي وانت راضي ربك وضميرك وارجع واقول لحضرتك ان العالم مبيوقفش الزمن فيه العالم بيتحرك والتاريخ بيقلب الصفحات على أحداث وبني آدمين التاريخ بيسجل وبس مهما قلت أو عملت بيبقى عملك هو المرصود ومن هنا لازم تقف عند خطاب أوباما يوم الأربع اللي فات خطاب بيسلم فيه الراية بعد 8 سنين كاملين كان فيها أول رئيس أمريكي ببشرة سودا يحكم القوة الأولى في العالم، أوباما بدأ حكمه بخطاب قال فيه ” نعم نستطيع” وختم فترته في خطابه الأخير بكلمة ” نعم استطعنا” أوباما بكى واعتذر عن اللي حصل في سوريا بنفس طريقة اعتذار طوني بلير عن مشاركة بلاده في غزو العراق واعتذار النيتو عن غزو ليبيا وكلام فارغ كتير عن عدم تقدير حقيقي لثورات الشرق الأوسط اللي قالوا عنها الربيع العربي، فيلم يمكن يخلينا نعرف أوباما كان كذاب ولا أوباما فشل ولا أوباما وعد بإيه.

المذيعة: أوباما مفشلش بس في الوعود اللي فاتت وحضراتكوا شفتوها على الشاشة أوباما بحكم قام بيه مؤخراً فشل في مواجهة روسيا واختراقها للأمن القومي الأمريكي بفضيحة القراصنة الروس