مساء الخير يارب تكونوا طيبين وفي أحسن حال وتكونوا دائما من أحسن لأحسن وأكثر أمنًا وأكثر طيبة في حياة منعرفش هتخلص إمته. موضوعنا إنهاردة هو موضوع قيمة موضوع مبدأ ليه؟

خلونا نسأل في البداية سؤال هيا قيمنا في الحياة اختلفت؟ أكيد اختلفت فيه حاجات حلوة حصلت، وغيرنا نفسنا فيها وفيه حاجات وحشة حصلت وتنازلنا عنها، والنتيجة إيه الحياة اختلفت من بين الحاجات اللي ضيعناها كانت قيمة العمل، أنهي عمل؟ أي عمل يعني إيه؟ يعني للأسف بقي عندنا نظرة دُونية طبقية للي بيمارس مهنة بأيديه وإياك تكدب وتقول محصلش. ليه ؛لأن رغم إننا اللي قامت عندنا ثورة بتقول إن إحنا كلنا  بعض ثورة يوليو(52) رفعت شعار الأيد الشغالة العرقانة بشقاها أيوه لكن للأسف بقي عندنا كليات قمة هندسة وطب وصيدلية وإعلام واقتصاد وعلوم سياسية حتى لو مشتغلوش حتى لو مكنوش فاهمين حتى لو كانوا فاشلين حتى لو مكنوش كفاءات وبقى عندنا كليات قاع لكل اللي ملحقش القمة تخيلوا يبقى فيها مثلا كلية  كلية التربية اللي بتخرج مدرسين اللي هما حراس العقول،وتجارة اللي بتخرج محاسبين ومحللين إقتصادين يحتاجهم أي نظام في العالم عشان يظبط مالياته، وحقوق اللي بتخرج محامين اللي بيدافعوا عن حقوق الناس ووكلاء النيابة ده حال المؤهلات العليا ما بالك كمان بالدبلومات والمعاهد! اللي بتقوم عليها نهضة الدول اللي عدت طبعا للأسف بنتعامل معاهم على أنهم فرز رابع أو خامس أو سادس وللأسف طبعا بردو انعكس دا على اللي قعدوا في القمة واللي إتوصفوا في القاع اللي في القمة بيتعالى حتى لو كان فاضي واللي في القاع بيحب يحس إنه قلة حتى لو كان مليان بشقاه وشرفه وبقت عملية لخبطيطة بقت متلخبطة بقت متبهدلة،