ويمكن قابلني في اكتر من مؤتمر دولي وكنت دايمًا أفكره باللي هو قاله كان بيقولي: متقعدش قدامي وأنت مسقط كدا مسقط يعني مُجهد يعني دماغك بتتثاقل من التعب؛ فكان يبقي مبسوط أوي إنه يحرجني قدام الناس إن انت شكلك مُجهد على الآخر إنت مالك يعني؟ كان يقولي كدا: إنت نيء
نيء يعني لفظ يثير إن إنت حد مش راجل يعني فجيت في أخر الامتحانات خالص قولتله: أنا متشكر جدا ليك أنا طلعت التالت علي الدفعة وشكراً ليك خالص إنك كل ما تشوفني بتحرجني فقالي: طيب أنا عايز أعرف بقى إنت كنت بتبقى سهران بتعمل ايه ؟ كنت بقوله أنا سهران بشتغل عشان خاطر أنا بعمل الاتنين مع بعض، لم يحرك ساكناً وقتها لكن كان ساكنه بيتحرك أكثر من أي متحرك تاني لما إتقابلنا في أكثر من مؤتمر دولي وأنا بتكّرم وهو لا وأنا بناقش الأبحاث بتاعتي وهو لا.
المذيعة: يعني هو إحنا محتاجين كلنا الحقيقة بس هو أنا آسفة يعني أنا حبيت إن الناس تسمع القصة دي؛ لأنها تجربة عملية على الفيلم اللي شوفناه دلوقت.
الإنسان بقيمة اللي بيعمله مش بإسم اللي بيعمله فتحياتي ليك وأشكرك علي إن حضرتك حكيت القصة دي، واكملهالك أنا يعني عشان أقوم انا بدور المعالج شوية .. مش مسموحلي إني أقول إسمه عشان أنا مستإذنتوش بس أنا هقول حكاية تانية، أحد عمداء كليات مصر جامعة القاهرة السابقين من شهور أحد الشخصيات المرموقة في المجتمع السياسي والإعلامي كان بيقولي مرة وهو أستاذ فبقوله: اللي بيعجبني في حضرتك وفي تفكيرك إن هو مش بس أكاديمي ونظري لكن هو مرتبط بالحياة هو متشرب الشارع بيفكر وعارف الناس بتفكر إزاي
