وقالت: بنتها كانت اتجوزت وبترجع من شغلها تقعد على كافيه وترجع بالليل والحياة ملخبطة، وقلنا لازم نربى ولادنا صح ونعلمهم يعنى ايه بيت وأسرة ومسؤلية، صحيح إن حضراتكم اهتميتوا بالرسالة لكن كمان جت رسايل أكتر من أمهات وزوجات بتطلب تعليم الشباب هو كمان يعنى ايه بيت ومسؤلية، أهم رسالة جتلى في الموضوع ده كانت من اتصال تليفونى والحقيقة فوجئت بيها أنها جابت نمرة تليفونى في الشغل، وكانت من زوجه بكت وقالت إن زوجها اتعود يأخد ميعطيش يتكلم ميسمعش يتعصب ميفهمش وإن ده مش مأثر عليها هى لوحدها، لكن كمان على ولادها اللي رافضين وجوده في حياتهم، شايفينه مش مسؤل عنهم، وكمان خايفين إنهم يكرروا تجربة جواز لا يطلع نصيبهم من نصيب أمهم الطيبة. الحقيقة هي كلمتنى وأنا في الشغل ومن غير ترتيب اتفاجئت بكلامها وطلبت منها ردا على سؤال محدد منها تتطلق ولا لأ؟ إنها هي اللي تحدد لأنها لازم ترد على سؤال أهم تقدر تستغنى عن زوجها في حياتها ولا لأ؟ تقدر تتحمل الحياة من غيره ولا لأ؟ الخساير في عدم وجوده عليهم كلهم ايه؟ واكمل كلامى مع حضراتكم النهاردة ويارتها تكون وهو معاها سامعين يا طيبين.
الرجولة معنى مش قصر على نوع بشرى أو تخصص ذكورى، الرجولة معنى فيه قيم النبل والشهامة والمسؤلية والخير والإصرار والحماية وحاجات حلوة كتير، أيوه يا طيب الرجولة مش صوت عالى واصرار على إنك تمشى كلامك في خشونة أو في خشونة المعاملة الحقيقة لتركبك وتدبحلها القطة من أول ليلة، الرجولة احتواء وحنية تخليك الراجل الوحيد في حياة زوجتك وتخليك فتى أحلامها ولو بعد سنين وسندها وحماها الرجولة قوة ناعمة تعرف تحاسب امته وتتكلم امته
