الكراسي محطوطة كويس الترابيزات ملمعة, الأرض نظيفة, حاجة مش بتكلف كثير بالمناسبة هما بيشتغلوا وإحنا بنشتغل, هما بيعملوا وإحنا بنعمل لكن الفرق ثقافة الإجادة , قبل مأطلع فاصل ونتقابل مع دكتور إيهاب فكري خلوني أفتكر كلمة أب زمان لما كان الخاف ادخل علمي ولا ادبي كان عندي أب كان عقلية محترمة ومنظبطة فكانت أمي نفسها أن أدخل علمي لكن, هو قالي: اختاري ال تحبيه بس بشرط تطلعي أي حاجة تطلعي زبالة بس يوم متشتغلي زبالة في هذا الوطن يبئوا يقولوا نشوى الحوفي أشطر زبالة في مصر, من يومها أتعلمت من أبويا أن الواحد لما يشتغل شغلانه لازم يجيدها حتى لو هي أقل وظيفة أو أكبر وظيفة مش مشكلة, إذاً ثقافة الإجادة هي محور الكلام ثقافة الإجادة هش يعني مربط الفرس يا سادة, خلينا نتكلم بعد الفاصل ولقائنا مع دكتور إيهاب فكري الباحث في علوم الإدارة وكلام مهم جداً تحياتي.
أهلاً بيكم مرة ثانية بعد الفاصل ولقاء الحقيقة محترم ويسعدني ويسعدكم متأكدة مع الدكتور إيهاب فكري أهلاً بيك يا دكتور.
أهلاً بحضرتك.
بجد منورنا وردود الفعل على الحلقة أمبارح أنا سعيدة بيها أتمنى يكون تأثيرها وصل للناس زي ما حضرتك بتحاول تشرح.
شكراً يا فندم وأنا يشرفني أني أكون مع حضرتك .
ربنا يعزك, دكتور هبدا علطول من ثقافة إجادة العمل هي الثقافة دي معناها أي؟ لأن البعض أحينا بيفسرها زي اليابان مثلاً زي الصين الدول دي نجحت انه أتعمل زي ألمانيا ال هي الدول ال بتشتغل ونت ماشي على قطر وأنت ماشي زي العسكري, بيقولك أنتوا عايزين كل حاجة يعني بالمنطق العسكري بمنطق القوات المسلحة طيب الدول دي نجحت بهذا
