سعيد اللي هيا المرحله الاولي اللي انهارده كنا بنقول يا هادي في اطلاق اشارة البدء فيها كان الهدف منها ربط غرب وشرق بور سعيد ببعضهم بشبكه من الطرق طيب حنعمل فيهاايه؟ حنعمل فيها مينا بحري بطول 10 كيلو متر حنعمل فيها منطقه صناعيه بمساحة 40 مليون متر مربع و حتبقي فيها مصانع وحتبقي فيها قاعه للمؤتمرات كبيره. كمان حنعمل فيها منطقه سكنيه علي مساحة 4 مليون متر مربع تساع 10 تلاف وحده سكنيه حنعمل فيها منطقه لوجستية لخدمات المينا، و حنعمل فيها مزارع أسماك تنتج 55 الف طن اسماك سنويا + مصانع اعلاف وتعبأ وتعليم.

كمان تمت تخطيط لتوسعة الطريق علي جانبي القناة، عندك بعد كده قالك بقي يعني قبل ما اخدكوا علي حتت تانيه كان في الكلام عليها قالك عندنا منطقة الإسماعيلية القنطرة، الإسماعلية الجديدة حتبقي علي مساحه.. مساحه كبيره لكن حيبقي فيها 58 الف وحده سكنيه كاملة الخدمات وحتعتمد علي الطاقة الكهربائية الهجيل المولده.

وقالك حيبقي كمان فيها منطقة صناعيه في القنطرة غرب، وكمان منطقه منطقه تكنولوجيا اللي بيسموها وادي التكنولوجيا ده التخطيط ليها.

وكمان حيبقي فيها تلات انفاق ونسيت اقولكوا اللي بور سعيد حيبقي فيها أربع أنفاق بدء بالفعل الحفر فيهم وكمان وصول اول ماكينة حفر من ألمانيا من شهر فات ومستنين الماكنة التانية انها توصل في شهر ديسمبر.

كمان منطقه الإسماعيلية القنطرة حيكون فيها صحاره في منطقة سارابيوم تحت قناة السويس يكون فيها أربع بيارات بعمق 60 متر لعبور المياه الحاسبة لسينا لاستزراعها. وقول معايا يارب المنطقة التالته أو المرحلة التالته هي (السويس -العين السخنة) رصيف جديد تطوير مينا الأدبية والسويس ومحطات لتوليد الطاقة ومجموعة أنفاق