DIMINISHING ANY DIFFERENCES OR DISTANCES

8من اصل8
لكن لو عندنا مليون مشكلة صغيرة ف ممكن يتحلوا… فعلى الأصل تفتيت المشكلة الكبيرة لمشاكل صغيرة
ده أول جزء من الحل…
المهم يكون في إخلاص.. والمهم جدا بقي هو شوية المجهود الزيادة اللي بعد الشغل…
ميبقاش كل واحد بعد ما يخلص شغل يروح ينام ويريح لأنه كده عمل اللي عليه.. احنا دلوقتي في فترة بناء
والفترات دي بتتطلب إن كل واحد يعمل اللي عليه على أكمل وجه… وزيادة شوية…
اعمل مشروع انت وصحابك جنب شغلكوا الأساسي …”على التوازي”…
كل واحد لما بيروح في حتة جديدة… بيفتح طاقة أمل للناس ويكسر المشكلة الكبيرة مبقتش كبيرة قوي وكل
ما نحل حاجة هنلاقي حاجة تانية بتنحل… ففكرة أول معرض لينا مجرد إننا بنطلع للناس ونقولهم احنا
حابين نشتغل في التنمية… حابين نسمع الناس ونتكلم معاهم… مدخلنا لده كان “الفن”…
نتكلم بقى شوية عن اللي اتعرض… كل واحد مننا عبر عن التوازي من وجهة نظره… كان في خط عربي
على صور… وناس عملت طباعة… وناس رسم… وناس كولاج… وناس عملت طباعة.. وناس عملت
مجسمات… وناس عملت إضاءة… وناس صممت تجارب صوتية…. ناس اتكلمت وكتبت خوطرها…
عملنا فيديوهات ونزلنا اتكلمنا مع الناس في الشارع… اتكلمنا مع حارس الجامع والحلاق واللي واقف في
الكشك وست البيت واللي بيلمع الجزم واللي بيبيع فجل وخضار… سألناهم عن البيت اللي بيحلموا بيه
طول عمرهم وايه أهم حاجات فيه… الناس الفقرا أوي اللي عايشين في الشارع اللي عمر ما اي مصمم
راح وسألهم ايه احتياجاتهم حتى وهو بيصمم لهم، سألناهم عن مفهومهم عن السعادة والرضا والفرح…
الناس حكوا لنا في الشارع وغنوا ورقصوا ولعبوا ورسموا وضحكوا وعيطوا وحلموا… وكل واحد فيهم
اكتشف جواه دنيا تانية وعالم تاني مكانش يعرفه…