أيه هيه الغربة يا فاطنه؟

أيه هيه الغربة يا فاطنه؟ وميتى يبقى الواحد منينا في غربه.؟ لما يسيب بلده.؟ الواحد بلده الحته اللي بيغواها. بيته . الفرشة اللي عينه تنعس جواها. مش يامنه اب بعرور متجوزة حفني العطار.؟ مش دي حكاية يا فاطنه قارياها انتي وحافضاها.؟ مش قاسمين لا الفرش ولا اللقمة. مش دايقين أيامهم بلسانهم وجنوبهم في الليل.. بتبات تتقلب. أهي دي الغربة يا فاطنه. جبلاية الفار بلده وبلد جده وده بيت والده لكن متغرب فيه .

عبد الرحمن الأبنودي