إنتي مين؟! 1 – فقرة 15 من أصل 17

أ/ نشوى: مع تطويراك لذاتك لأن التمسك بالهوية لا يعني أبدا التمسك طول الوقت بالجدور بس من غير الواحد يطور نفسه.

أ/محمد رجائي: أكيد أكيد بس لازم يكون لي في النهاية جذور ونعتز بيها لازم وننطلق منها لكن من غير الجذور دي أنا هبقى زى الشجرة اللي ملهاش جدر فمن السهل جدّا أن هي تقع مع إي رياح قوية فهي دي المسالة فهل أنا فعلا بفتخر بجذوري معتز بيها ولا لا.

أ/ نشوى: صحيح  صحيح.

أ/محمد رجائي: دور بقى الإعلام ودور السلطة السلطة بقصد بيها الأب لأن دي أول سلطة الأب و الأم هما أول سلطة.

أ/ نشوى: آه سلطة مباشرة.

أ/محمد رجائي: آه دي أول سلطة يعني أحنا عندنا بنسمي دي السلطة الأولي في حياة الإنسان وبعدين كدا السلطة المدرسية هي القادرة أني اعتز بجذوري و أتمسك بيها ولا أبدا أحاول انسلخ منها.

أ/ نشوى: هي المشكلة دكتور أن الحقيقة يعني كذا مشهد في كذا مسلسل لما تعدي علية تلاقي بيقدم نموذج لحياة هي مش حياتنا ومسلسل عربي للأسف مصري يعني مصور في مصر يعني أنا بتحديد مسلسل زى هبة رجل الغراب مثلاً فتشوف في مشاهد مع أن هو يبدو مسلسل كوميدي لكن هو في النهاية هو مسلسل مشوهة للمجتمع إي دا دا عندنا يعني البنات بتروح تعيش مع الأولاد يعني عادي أن البنت تشرب يبقى قي خمور في البيوت يعني عادي البنت تبقى لسه مخطوبة وخطبها قاعد معها في شقتهم لوحدهمإلا هو بتكلمه على أي مجتمع فين بغض النظر عن التركي اللي غازانا حتى المصري يا دكتور كمان بقي فيه عملية تشويه مستمر لشكل الحياة البنت اللي بتعشها.