إن كبر ابنك خاويه2من اصل4

– يا أستاذ ده ابني وأنا أكتر حد خايف عليه ومافيش أب مش بيضرب ابنه.

– عاقب براحتك مافيش مُشكلة بس لازم تكون حريص. . وكمان هنا مش المكان المناسب للعقاب دا مكان أكل عيش وباب رزقك ورزق بيتك. . لكن برضو ما ينفعش إنك تمحي شخصيته وتهينه كده قُدَّام الناس كلها.

– يعني لما يفشل ويسيب المدرسة مش هتبقي فضيحة ليَّا برضو وقُدَّام الناس؟

– يبقي تمسك العصاية من النص زي ما بيقولوا وتفهم الأول سبب غيابه من المدرسة مش يمكن فيه حاجة ما تعرفهاش مخلياه مش عايز يروح؟!

– المفروض لما يوصلّي خبر زي ده وأعرف إن ابني بيغيب من المدرسة بدون علمي أقعد معاه ونتناقش وأفهم الأسباب!!

يا أستاذ إحنا تربيتنا غير كده،أنا والدي علمني إن كل غلطة بحساب وإن العيل مابيسمعش الكلام غير بالعين الحمرا والضرب. . مش هيبقي عيل لا مؤاخذة وأقوله تعالي عشان أقعد وأتنافش معاك! أتناقش معاه وهو بيضحك عليَّا وبيغيب من مدرسته!!

قال له «ميلانوفيا» وهو يحاول أن يهدِّئ من انفعاله عليه:

– مش عيب علي فكرة إنك تقعد وتتكلم معاه حتي لو سنه صغير. . انت ابنك مش عيل ده قرَّب يبقي شاب، اتكلم معاه وافهم أسبابه ورأيه واعرف وجهة نظره.

ومش عيب إن تعمل كده بالعكس العيب إنك تتعامل معاه زي المواشي بالكُرباج. . صدقني كل ما تقرب من ابنك كل ما هابقي فاهمه وأقرب حد ليه وساعتها مش هتتصدم فيه أو تسمع عنه أي شيء من حد غريب، ببساطة ابنك هيبقي كتاب مفتوح قُدَّامك. . حاول تقرَّب من ابنك أكتر من كده.

– أنا مش جاهل يا أستاذ، أنا معايا الابتدائية وأنا فاهم وعارف إن كلامك موزون وصح لكن حُط نفسك مكاني، تبقي شغال يوميًّا في القهوة أكتر من 15 ساعة عشان توفر دخل كويس يعيشه هو واخواته وتتفاجئ إن تعبك ممكن يروح في لحظة وأسمع من مُدرس إن ابني مش بيروح المدرسة،