علاج الحوارات و الكدب ….. خليك مصدر أمان !

علاج الحوارات و الكدب ….. خليك مصدر أمان !

علاج الحوارات و الكدب
….. خليك مصدر أمان !

إزاي تتعامل مع الناس اللي بتحور عليك في الكلام خصوصا لو كانوا قريبين منك
ركز عشان احتمال تطلع انت اللي غلطان مش هما غريبة صح؟

وجديدة ولو انت اب او ام ركز أكتر الله يكرمك عشان أولادك هدف الفيديو ده ان
الناس تبطل تحور او تكدب عليك مش ان هو يبطل كدب في حياته دي قصة تانية فخلينا بس
كده نتفق في الاول إن أحنا هنحاول نخليه على الاقل ما يكدبش عليك انت

اول حاجة لازم تعرفها عن الكدب والتحويل والحاجات دي كلها ان دي عادة مكتسبة
مش في طبيعة الانسان طب انت بتكتسب الكدب ازاي اصلا؟

واحد التربية الخاطئة من الوالدين الطفل بيعمل ايه؟ الو ماما بتقول
لك ان هي نايمة ومش فايقة تكلمك يا طنط عشان انت طنط رغاية خلاص في داهية بست
فتقولو يا عبيط متقولش كده اسمها ماما نايمة ولما تصحى هتكلمك ادي اول حاجة
اتعلمها يا معلم انه ازاي يزور الحقيقة او لو اب مثلا احمد انت اللي كسرت الازازة
دي اه يا بابا انا اللي كسرتها اديلو بالقلم على وشو قال ايه انا بعلمو لو كسر
حاجة هيتعاقب ده انا ده انا كده بربيه اصلا هو ترجمها هقول الصراحة هتضرب فشكرا
انا عشان احافظ على نفسي لازم اكدب عشان ما اضربش فانت مش واخد بالك انك بتتفنن في
تعليمه الكدب وبعدين تفنن ازاي تعاقبه على الكدب اللي انت علمته له

فاول سبب واهم سبب التربية الخاطئة

السبب التاني الأهتمام الخاطيء اكتشفت انه 99 % من الناس فاهمة
الاهتمام غلط لأ انت فين وقاعد مع مين وافتح تليفونك افتش فيه ما انا لازم اطمن او
اتصل عليك كل شوية عشان اتأكد ان انت في البيت ما انا لازم اطمن ابعتي اللوكيشن
وانت برة او تصورني ما انا لازم اطمن ايوة اطمن على ايه بقى؟

 اطمن ان انا محاصرك انت لو مهتم
يعني مثلا اللي مهتم بالسمك ده بيربيه مش هياكله لو مهتم بالشجر هتزرعه مش هتحرقه
ففرق ما بين الاهتمام والحصار اللي انت مسميه اهتمام فلان طبيعته حر اول ما
بيتحاصر بيكون قدامه حلين يا اما يكدب عليك عشان يتعايش لانك صاحب سلطة أب أم مدير
مدرس ايا كان يا اما الحل التاني انه يتخنق منك ويكسر دماغك فارجوك فرق ما بين
الاهتمام والحصار انت مهتم بيا بتكبرني ولا انت محاصرني فخانقني؟

 السبب التالت هو خايف انك تحكم عليه
غلط ودي برضو سببها التربية على فكرة تيجي تسأله انت عملت ايه في اللي انا كنت
طالبه منك امبارح؟ فتلاقيه أتوتر كده انت ممكن يكون الموضوع بالنسبة لك بسيط بس
بالنسبة له هو كبير قوي هو خايف على صورته قدامك خايف لاحسن يتقال عليه مقصر فيضطر
يكدب فانت تتنرفز انت ليه بتكدب علي في حاجة تافهة فخلي بالك لاحسن تكون بتحكم
عليه وهو لاقطها

المهم ان الموضوع علاجه سهل وبسيط وهتعمل حاجة واحدة بس انك تكون مصدر أمان
للشخص اللي قدامك اللي انت ما تعرفوش ان هو برضه كمان بيكون متضايق لما بيكدب عليك
ومش عارف هو بيكدب ليه؟

والاسوء ان هو مش عارف يبطل فخليك دايما مصدر أمان للشخص اللي قدامك ادي له
مساحته وحقه في الخطأ لانه انسان فطبيعي ان احنا نغلط بس مش طبيعي ان احنا نكدب
وخليك دايما فاكر ان الشخص اللي بيحور عليك او بيكدب عليك هو اللي عنده مشكلة مش
انت فانت ما تتعصبش وما تاخدش الموضوع شخصي انت بس محتاج تساعده وعشان تساعده لازم
تكون مصدر الامان ليه زي الصحاب كده فما تنساش النقطة دي

m2pack.biz