سؤال تالت هو الامن الشرطي في مصر محتاج تطوير؟ طبعا محتاج تطوير محتاج فكر تطوير محتاج التطوير سلوك ومحتاج التطوير إدارة، ونركز على كلمة تطوير مش على كلمة تطهير ليه؟ لأن التطوير معناه رؤية وإستراتيجية وحياد تام عشان نحقق المصلحة، لكن التطهير شيء معناه شخصي انحياز لحد على حساب حد على هواي أنا، أنا شايف أن التطهير أن أمشي شريف من قلب المكان، لكن أنا شايفة التطوير أن شريف حتى لو أنا شيفاه مش يناسب المكان لكن ينفع يكمل في المكان أمان أهو أمان.
هو ده اللي لازم نعمله لازم الحقيقة يبقي في تطوير مش تطهير، لازم يبقي فيه رؤية عامة، الرؤية الفردية لا تستقيم معاها الأمور، محتاجين راجل شرطة بمعنى الكلمة شكلا وموضوعا، عارف يعني إيه الأمانة ويعني إيه المسئولية ويعني إيه شرف الوطن، مش محتاجين أمين شرطة مرتشي ولا مستغل لنفوذه في غياب الرقابة عليه، محتاجين ندعم رجالة تدفع أرواحها عشان نعيش بخير بتدريب أعلى وسلاح وسائل أكثر تطورا، محتاجين أقسام شرطة ومرور أكثر آدمية بتستعمل المعنى الحقيقي لكلمة الرقم القومي، اللي مش محتاج يضرب بني آدم عشان يجيب منه معلومات، هو يقدر من خلال الرقم القومي يعرف قراره وأصله وفصله ويجيب كل حاجة عن أي مواطن، نقف هنا شويه ونتفرج عالفيلم اللي جاي ده، فيلم أتمني أن كلكم تسمعوه حقيقة أي كان رأيك في الموضوع، وهنرجع نكمل كلامنا تاني تحياتي.
طبعا الدنيا سخنة جدا بقالها تلت أربع أيام بسبب واقعتين حصلوا من ضباط، واحدة في الأقصر تقريبا وواحدة في حتة تانية مش عارف هي إيه، التحقيقات شغالة لغاية دلوقتي ولغاية دلوقتي أول ما التحقيقات تنتهي الغلطان طبعا
