علينا عبء التغيير، لأن في النهاية كلنا راكبين في مركب الوطن، مش مركب نخبة أو ناشطين أو شرطة أو حتى حاكم أو رئيس، إحنا في مركب وطن، لازم نحافظ عليه كل واحد فينا مهم في الصورة، ويا سلام لو نسمع بعض وأفكار بعض وتفسيرات بعض ونسمح بمساهمة بعض مع اختلافها، عشان أفسر ليكم كلامي أنا عايزكم الحقيقة تشوفوا الفيلم الجاي ده بس ده مش فيلم مضحك ده فيلم عبقري ده فيلم عامله ولد شاب ولد مناكف ولد متمرد ولد صاحب بكره، ليه صاحب بكره تعالوا نشوف الفيلم ده مهم.
سأل الأستاذ إيه الآلة الرد هي حاجة بتسهل حياة الإنسان وبتوفر عليه الجهد والوقت يا خبر، الأستاذ عايز اللي ماشي على طريقة اللي حافظ مش فاهم الدحيح اللي مبيفوتش كلمة مش اللي عنده فكرة وبيعبر عنها بطريقته وهنا بقي مربط الفرس الإبداع والتطوير، محتاج أفكار وخيال وقدرة على التعبير بشكل مختلف، التطوير محتاج عين تلقط المعلومة وعقل يفكر فيها، وأسلوب يترجمها بوعي كل واحد فينا في الوقت اللي عيننا كلنا على هدف واحد التنمية والإصلاح الحقيقي كلنا محتاجين بعض كلنا بنكمل بعض كلنا من حقنا نقول اللي جوانا بطريقتنا وإلا مكنش ظهر الأئمة الأربعة ولا تفسيراتهم المختلفة لكلام ربي، وإلا مكنتش ظهرت مدارس الأدب والفنون المختلفة، وإلا مكنش ربنا خلقنا قبائل وشعوب من الأساس مختلفة، عارفين إحنا محتاجين إيه في بلادنا نأمن أن الاختلاف وعي ورحمة وإحنا عيونا على شيء واحد مصر تكون في أعلى مكان، بنقض واعي هدفه التنوير مش الهدم وهدفه التوعية مش السبوبة والإعلانات وهدفه الحماية مش إثبات أن أنا الصح وكل من عاداني مش فاهمين أي حاجة
