المهندس:  أيوه البورده بعد كده أنا جمعت الدايره وخلاص يبقي في كده مرحلة التفتيش.

نشوى الحوفي:  التفتيش للمرة الثالثة.

المهندس:  تفتيش نهائي بقى.

مهندس آخر: دي حضرتك مكنة ايه يو أي أوتوماتك هذه المكنه أخر تكنولجي في الإسبكشن.

نشوى الحوفي:  علشان أراجع على جودة المنتج بشكل نهائي.

مهندس آخر: بشكل نهائي.

نشوى الحوفي:  صباح الخير يا بشمهندس إزي حضرتك.

المهندس:  كل سنة وانتي طيبة يا فندم نورتي يا فندم.

نشوى الحوفي:  ربنا يخليك يا بشمهندس صلاح بشمهندس صلاح إحنا هنبتدي من خط الإنتاج دا فمصنع إنتاج لمبات الليد الموفره.

المهندس صلاح: تمام.

نشوى الحوفي:  صح كده بتوفر تقريباً قد إيه من الإنتاج لمصر.

المهندس صلاح: بوفر بالضبط مليون لمبة في السنة.

نشوى الحوفي:  مليون لمبه في السنه.

المهندس صلاح: مليون لمبة في السنة إحنا عندنا 4 خطوط إنتاج خط 1 2 3 4 عندنا 3 خطوط تغليف وخط تحميل ماشي.

نشوى الحوفي:  تقريباً في كام حد شغال هنا.

المهندس صلاح: إحنا عندنا تقريباً هنا 100 عامل.

نشوى الحوفي:  100 عامل كلهم عمال مش مهندسيين.

المهندس صلاح: لا كلهم فنيين.

نشوى الحوفي:  فنيين.

المهندس صلاح: اه فنيين وبعضهم حاصل على شهادات مؤهل عالي.

نشوى الحوفي:  اه اوكي نبدأ من هنا.

المهندس صلاح: هنا الخطوة الأولنيه دا اسمه درايفر درايفر دايرة إلكترونية تعمل على تحويل التيار المتردد 220 فولت لتيار دي سي مستمر 32 فولت.

نشوى الحوفي:  اللي هو الكهربة علشان اللمبة تنور.

المهندس صلاح: لان الليد مابيشتغلش إلا بالدي سي فولت اللي هو التيار المستمر إنما التيار المتردد لابد أن يتحول عن طريق هذا الدريفر بيتم عزل الدريفر عزل خلفي الأول