مكتب الناظر5من اصل5

مع إني بشوف إن المراحل المرحلة الإعدادية مهمة أوي، هي اللي بيبتدي فيها الطالب يحدد هو عايز إيه ويرسم مستقبله. . بس للأسف عندنا قلة خدمات وإمكانيات كالعادة، ولو كان عندنا إمكانيات الغَرب كان زمانّا في مكان تاني خالص.

– الأوضاع والإمكانيات! الأوضاع والإمكانيات! أنا زهقت من كتر ما سمعت الكلمة دي. . ولما انتوا عارفين كل السلبيات كويس ليه ساكتين؟!

– عشان في حاجة اسمها أمر واقع. . ده واقعنا ومش هقدر لا أنا ولا إنت نغير الكون لوحدنا. . الموضوع محتاج تغيير وعقول ناضجة وفكر وثقافة. . ومش هنقدر نعمل ده لوحدنا. .

صمت «ميلانوفيا» لثوانٍ وقال في سرِّه: دائمًا تكون الإمكانيات ضعيفة هنا. . وجدت ذلك في الصحة والمواصلات والتعليم وكل شيء عايشته منذ لحظتي الأولي هنا في كوكب الأرض وحتي الآن. . ولكن يجب أن يعلم كل سُكَّان هذا الكوكب أن التغيير لا يأتي هكذا. . يأتي التغيير إذا بدأ كل منهم بنفسه دون النظر إلي غيره. . لابُد أن يبدأوا بأنفسهم هذه المرة. . كيف أُخبرهم بذلك. . ولكن سأحاول فععل ذلك، وأظن أنهم سيتقبلون، وأنا رأيت اليوم بنفسي المُدير كيف استجاب لنصائحي ووعدني أنه سيُعيد النظر في كثيرٍ من الأمور ويحاول إصلاح الكثير من الأشياء