مميزات قسم الهندسة البحرية وعمارة السفن
———————————————————–
مدرجات نظيفة جدا تم اختيارها من افضل مدرجات الكلية فى سنة ما
عدد صغير = استيعاب اكبر = تواصل افضل
فاكر السكشن بتاع اعدادى من حيث العدد اهو دوة هو الى حيبقى المحاضرة بتاعتك فى بحرية يعنى عدد صغير يعنى ممكن توصل ان الدكتور ياخد غياب فى المحاضرة او يعمل كويز كل محاضرة طبعا مش كل الدكاترة كدة بس حتعرف بعدين.
متقلقش دكاترة كتير حيحببوك فى القسم فى بحرية بس زى اى قسم تانى ممكن تلاقى العكس ودية حاجة موجودة فى كل الاقسام .
وبالنسبالى انا شايف ان بحرية قسم اسهل من ميكا وانتاج وجميل جدا وبسرعه ممكن تحبه.
—————————————————————-
انا عمال اذكر فى ميزات طيب ا يه هى العيوب الى ممكن اكتشفها بعد ما امشى فى القسم ؟؟!!
نتيجة ان قسم بحرية بيقبل مجموع فى الخمسينات زى بالظبط ميكا ومدنى و… حتلاقى ناس كتيير دخلاه بالعافية وهى مش طايقاها وللاسف هما دولة الى بيسيئو لصورة القسم بشكل سئ .
بالنسبة للسفينة فانت علشان تشتغل عليها المفروض يكون معاك خبرة فى العمل فى البحر لا تقل عن 6 شهور واحتمال تكون زادت بس هنا الاكاديمية عندها نفس القسم وخريجنها بيكونو تقريا عندهم جزء من الخبرة دية بيسافروا دايما على عايدة 4 بيروحو تركيا وبياخدوا الخبرة البحرية بس انت كمان ممكن تاخدها دلوقتى بفلوس لو انت حابب المجال بتاع شغل البحر .
باقى العيوب موجودة فى كل الاقسام وممكن تكون موجودة فى جامعة اسكندرية كلها فمش لازم نخوض فيها
طب حنشتغل فين ؟؟؟!!!!
—————————————–
بعد ما بنسمع كلام الناس زى مثلا
(دية ملهاش شغل – دية شغلها قليل –دية محتاجة وسايط –حد يبنى يدخل القسم دوة – يا عم فكك وخش ميكانيكا – بتعرف تعوم!!)
انت تخصصت فى جزء صغير فى علم الميكانيكا الواسع بس لازم تعرف ان العلم البحرى دوة تطبيقاته (اى مجالات عملك ) واسعه جدا جدا ومن قبل كمان الحضارة الى احنا معاصرينها فهى من ايام سفينة سيدنا نوح عليه السلام
ولازم نعرف ان ربنا كاتب لكل انسان رزقه فمتقلقش من الموضوع دوة واعمل الى عليك.
مجالات العمل بالقسم
– على السفينة بعد اخذ 6 شهور بحر – بناء السفن – مكاتب التصميم-خاصة البنات- – اصلاح السفن – قناة السويس –الفنادق والمطاعم العائمة مثل التى بالنيل – شركات البترول – offshore –الجالونات خارج البحر والميناء – فى الموانئ والترسانات – القوات البحرية- وظائف ادارية
….. ويوجد لافتة بالقسم توضح مجالات العمل نتشرف بزيارتكم
تلك المعلومات ليسة بارائى الشخصية ولكن هى مقتبسة من اقوال دكاترة ومعيدين بالقسم
عامة القسم جميل واسهل من اقسام اخرى كثيرة مش معنى كدة انة مفهوش مذاكرة كتييير
ممكن مهندس ميكانيكا يبقى زيك تقريبا لو اخد كورسات فى الاكادمية تؤهله على ذلك بس سعرها مكلف وبتاخد وقت كتيير والعكس بالعكس .
يوجد 2 قسم بحرية فى مصر ويوجد واحد بالسعودية وواحد بسوريا والاكاديمية العربية للعلوم والتكنولوجيا والنقل البحرى وبذلك فان خريجى القسم فى الوطن العربى عددهم قليل جدا بالنسبة لقسم ميكانيكا ومدنى .
لو اشتغلت على السفينة لازم تكون مدرك ان جميع افراد السفينة من عمال وقباطين ومهندسين العلاقة بينهم قوية وممكن تلاقى فنى مكانته على السفينة نفس او اعلى من مكانتك نتيجة خبرته الواسعة فدايما لازم تهتم بالتدريب واكل الفرص الى ممكن تساعدك انك تكبر من وضعك فى مكان عملك
شغل البحر مش كل الناس بترتاحله ومش كل الناس بتمشى فيه .
دكاترة القسم ناس محترمة جدا ومتعاونين ممكن دكتور يعجبنى وميعجبكش والعكس لذلك لا تهتم بذلك الامر فجميع الاقسام متشابه فى ذلك