مَن الجاني4من اصل5

 

آه غلطنا ومقصرين بس انت مش عايش عيشتنا ولا دخلت بيوتنا ولا تعرف حاجة عن الضعف وعن قلة الحيلة وعن صوتك اللي لو ارتفع في يوم بتتخرس. . أيوه بتتخرس بالمعني الحرفي. . شايف الحي اللي إحنا فيه دلوقتي ده؟ من وجهة نظرك اكيد هو حي حقير و ما يليقش بحياة آدمية وحياة إنسان عاقل وناضج. . عارف البيوت دي بقي جواها عقول مُفكِّرة وشهادات كبيرة، بس العقول اتصدمت في واقعها وشافت الذُل لما قررت تستخدم العقل وتنور غيرها وخدوا علي دماغهم وسكتوهم بالعنف عشان إحنا هنا ما ينفعش نتكلم، إحنا هنا نسكت خالص، يا نموت ساكتين أو نكلم نفسنا. . أيوة نكلم نفسنا ماتستغربش. . إحنا أساساً ما بنكلمش مع حد غير نفسنا. . شايف المُحاضرة الطويلة اللي قُلتها لي وفضلت تشرح وتجرح فينا وحسستني أدّ إيه إحنا أقل من البشر أنا كل يوم بقول نفس الكلام ده وغيري بيقوله بس لنفسنا عشان مش مسموح نعمل أكتر من كده. . ده عن العقول. . الشهادات بقي ما تعدش عندنا منها كتييير جدَّا. .

الحِرَف والعِمالة بيتهانوا طول اليوم عشان يتحصلوا علي كام قرش بياكلوا بيهم آخر الليل وشُكراً علي كده. .

أما بتوع القاع بقي دول أما بتوع القاع بقي دول اللي مش معاهم شهادات فقَابلين بالمرمطة وقلة القيمة وبيشتغلوا في أي حاجة يطلع عينهم ولا يقدروا يقولوا نص كلمة ما هُم جهلة بقي. .

والقمة والمُتعلمين والشهادات حدث ولا حرج مكانهم علي الحيط. . لا ما تفهمش غلط مش هُما اللي علي الحيط دي شهادتهم. . أيوة شهادتهم. .

وصدقني لو دخلت جُوَّه كل واحد فينا هتلاقيه بينفر من حياته وعاوز يتغير 180 درجة وعاوز يساعد غيره علي التغيير كمان بس للأسف إنت ما جربتش إن الدُنيا تاخدك في سكك  تانية. . ماجربتش إن الدُنيا تلهيك عن كل حاجة وأي حاجة،