نصائح إقتصادية للنهوض بالاقتصاد المصري الرخصة الذهبية )

نصائح إقتصادية للنهوض بالاقتصاد المصري  الرخصة الذهبية )

 

                           نصائح إقتصادية للنهوض بالاقتصاد المصري

بسم الله الرحمن الرحيم كلنا متابعين الوضع الاقتصادي العالمي والوطني كلنا شايفين تطور المؤشرات الاقتصادية العالمية للاسف الشديد مش للايجاب ومش متوقع ان يحصل تطور كبير في الافق يبقى على المستوى العالمي المؤشرات العالمية غير طيبة بالمرة بكورونا وبعد كده أزمة روسيا واوكرانيا وازمة المناخ يبقى 3 اضلاع لمثلث الازمة في العالم النهاردة كورونا من قبل حرب روسيا اوكرانيا أزمة المناخ والتغيرات المناخية أكيد شايف وبتسمع عن مناطق حصل فيها جفاف بحار في اوروبا وانهار جفت في حين ان فيه فيضان مناطق اخرى

انهار جفت في الصين ده اثر على الوضع العالمي والانتاج والسلع الغذائية والمنتجات الزراعية يعني المؤشرات العالمية تشعر كده ان ربنا غضبان على هذا الكوكب او على من يقيم في هذا الكوكب على المستوى العالمي في ازمة كبيرة جدا كلنا مدركينها على المستوى الوطني مدركين الوضع الاقتصادي وارتفاعات الاسعار والكلام عن ارتفاعات الاسعار وكلام البعض عن تعويم وتحريك والكلام الكتير ده كله وبعدين

المواطن النهاردة بقى مهموم جدا بالوضع الاقتصادي بسبب ان جيبه اتأثر بدأ يتألم محتاج يعرف الحل فين والحل ده ممكن ولا ممكن علشان كده احنا جايين نتكلم باخلاص وانتماء زي ما اتعودنا عن المخرج ، والمخرج ممكن جدا وبدأنا ويا ريتنا كنا بدأنا من زمان مشكلتنا دايما احنا بتبقى الفكرة موجودة لكن لا يتم تطبيقها الا بعد سنوات بعد ما تكون الازمة كبرت والمشاكل كبرت لا مطلوب نسمع لبعض يعني الموضوع اللي هتكلم فيه النهاردة انا قلت قبل كده ان وطلابي هيسمعوني دلوقتي من عشرين سنة من 22 سنة كنت بتكلم على موضوع النافذة الواحدة

طلابي ممكن ييجوا يردوا ويتكلموا في هذا الكلام النافذة الواحدة ده انا راجع باول توصية في الرسالة بتاعتي من انجلترا انشاء النافذة الواحدة آسوة بماليزيا وسنغافورة اذا كنا عايزين نجذب إستثمار لازم النافذة الواحدة موضوعنا النهارده احنا بنتكلم على موضوع الرخصة الذهبية علاج مشاكلنا مش ان احنا نستمر ورا صندوق النقد الدولة علاج مشاكلنا بان مش بان احنا نستمر في دايرة الاقتراض لان في ابواب اخرى احنا كنا محتاجين في فترة معينة ان كان في مشاكل وحرب وبتاع تفجيرات وارهاب والكلام ده كله كان فيه صعوبة ان احنا نتكلم عن الاستثمار سواء وطني او اجنبي النهاردة احنا جهزنا البيت وعملنا البنية الاساسية وزي ما بيقولوا كده رشينا ميه وفرشنا ومستنيين الزباين بس الزباين هيجوا ازاي؟ يعني الزباين هيجوا عندنا ازاي اللي مستسمرين اللي هم كلمة السر اولياء النعم في اي بلد وانا بكررها هم المستثمرين المستثمر ده هو ليه النعمة؟ المستثمر ده هو اللي بيوفر لي السلع المستثمر ده هو اللي بيخلي فرصة العمل المستثمر ده هو اللي بيصدر المنتج وبيجيب لي العملة الصعبة يبقى المستثمر ده المفروض ادلعه واطبطب عليه كويس قوي علشان اخد منه زي ما هيديني ما هو مش ممكن هيديني الا اذا أخد مني

من هنا قانون الاستثمار الجديد 72/2017 نص على حاجة مهمة جدا وخد بال حضرتك بتتكلم على 2017 وتعديلاته يعني احنا بقى لنا دلوقتي 6 سنين يعني احنا قبل أزمة كورونا احنا ليه ما تحركناش وفعلنا هذه العظيمة جدا اللي هي الرخصة الذهبية هكلم حضرتك بكلام محدد ودقيق ومرتب في 7 نقط يعني ايه الرخصة الذهبية؟

 ايه الانشطة اللي بتمنح لها؟

 ايه هي شروط منحها؟

ايه الاجراءات المطلوبة ان انا اعملها علشان تمنح لي الرخصة الزهبية؟

 بتستغرق وقت قد ايه؟

 هل هي كافية؟

 طيب ايه اللي نقترحه عشان نعزم استفادة مصر النهاردة من موضوع الرخصة الزهبية؟

وخاصة احنا في آمس الحاجة للموضوع ده نيجي الاول ايه هي الرخصة الزهبية؟ الرخصة الزهبية ببساطة شديدة جدا هي الشباك الواحد هي موافقة واحدة يعني حضرتك عايز تعمل مشروع ما بتلفش دايرة أم العروسة لفة أم العروسة تلف من الري للكهربا للمش عارف فين تفضل تلف في كل لفة بقى وقت وجهد وتكلفة ومال ويمكن تكره نفسك وتلعن اليوم اللي فكرت تعمل فيه مشروع لان انت في كل مكان بتروح فيه استهلاك وقت ، استهلاك جهد الى اخر وتفتح باب بقى للقاء السحاب والادراج اللي تفتح يبقى

اذا دي جريمة بترتكب بحق الوطن مطلوب معالجتها باسرع ما يمكن يبقى الشباك الواحد او الرخصة الذهبية هي موافقة واحدة تصدر للمستثمر من الهيئة العامة للاستثمار بعد موافقة مجلس الوزراء يعني عايز تعمل مشروع هقول لك دلوقتي ترتيب النقاط السبعة يبقى ايه هي الرخصة الزهبية؟ هي رخصة واحدة عشان كده سميناها رخصة ذهبية حضرتك بتاخدها باشا تاخدها وتعمل مشروعك بس هقول لك بالشروط اللي جاية دلوقتي يبقى تمنح من الهيئة العامة للاستثمار بعد موافقة مجلس الوزراء ويصدر قرار مجلس الوزراء بمنحه الرخصة لرضا عبدالسلام باقامة مشروع كذا

في مدينة العاشر من رمضان يلا اتكل على الله رح اعمل مشروعك لا رحت بقى كهربا ولا رحت ميه ولا لفيت لفة كبيرة جدا ولا استهلكت وقت ولا جهد ولا مال يبقى اذا دي فكرة الرخصة الذهبية طيب ايه المجالات اللي بتمنح فيها الرخصة الزهبية؟وفقا للقانون ومرحليا حتى هذه اللحظة المشرع حدد 3 قطعات رئيسية لمن يمكنه الحصول على الرخصة الزهبية؟ المجالات التلاتة الاساسية هي ايه؟هي المشروعات الاستراتيجية والقومية المرتبطة بتحقيق مصلحة قومية كبرى لمصر؟ مصر عايزة ايه في الفترة اللي جاية؟ حسب رؤية الدولة؟ المشروعات المرتبطة بالهيدروجين الاخضر اللي هي الطاقة؟ المشروعات المرتبطة بالسيارات الكهربائية عشان ينال استهلاك الوقود والبنزين وتكلفة استيراد ودولارات ومليارات من الدولارات وكمان نقلل التلوث؟ المشروعات المرتبطة بالطاقة الجديدة والمتجددة زي مشروعات مثلا محطات الطاقة الشمسية؟ تطلع كهربا من خلايا لو عملت مصنع في المجال ده روح قدم علي رخصة زهبية؟ لو عملت مصنع تحلية مية البحر عندك فكرة مشروع تعمل مع مشروع تحلية مية بحر طاقة متجددة السيارات الكهربائية اللي هي المجالات التكنولوجيا الجديدة

يبقى دي المجالات اللي ممكن حضرتك تقول انا عايز اخد فيها الرخصة الذهبية؟ طيب انا عجبني الكلام يا دكتور طبعا ده ان شاء الله المجالات دي قابلة للتطور وقابلة للتوسع حسب إعلان الحكومة ان احنا هنوسع في المجالات دي؟ لكن ده اللي احنا مركزين عليه دلوقتي؟ لو عايز رخصة ذهبية تعال اشتغل في المجال من دول وهنديها لك؟ بس بالشروط اللي جاية؟ نيجي للبند التالت؟ طيب انا عايز اقدم بقى على رخصة زهبية؟ اعمل ايه؟ علشان بقى ما اقعدش الف الدايرة الكبيرة جدا؟

 اول حاجة لازم تأسس شركة مساهمة مصرية؟ يبقى اذا مين اللي ممكن يقدم على الرخصة الذهبية؟ في صورة شركة مساهمة؟ مش شركة توصية؟ ولا شركة تضامن؟ لازم تكون شركة مساهمة برأس مال؟ يعني وان انت تقدم 20% من التكلفة الاستثمارية للمشروع؟ وعلى فكرة القانون كانت اللي هتقدمه وانت بتاخد الرخصة الزهبية دي 50% ؟ جه بعد مشاكل وشكاوى المستثمرين والناس اللي عايزة تدخل المجال قالوا 50% ليه؟ يعني المشروع هيتكلف مثلا 100 مليون؟ ندفع خمسين من دلوقتي ونحطهم دلوقتي طب ما تنزلوها شوية عشان كده طلع قرار مجلس الوزراء نزل النسبة دي ل20% من التكلفة الإستثمارية للمشروع؟ راس المال المدفوع 20% من رأس المال من المشروع؟ حلو قوي؟ ايه كمان؟ اه؟ المشرع لازم تقدم برضه وانت رايح تاخد الرخصة دي تقدم دراسة فنية عن المشروع ابعاده الفنية والتكنولوجية؟ برضه جدول زمني لتنفيذ المشروع؟ مش هتيجي تضحك علينا؟ انت هتاخد الرخصة اهي؟ هتبدأ تعمل الانشاءات امتى ويبدأ المصنع ينتج امتى وهيصدر امتى؟ لان انا عشت حتى وانا في المحافظة كان الناس بياخدوا اراضي في مدينة بلبيس الصناعية؟ وفي العاشر وفي غيره ويسقعها ويروح يبيعها؟ ويضحك على البلد؟

 حضرتك اعمل جدول زمني للمشروع وانت انا بقول لك ده ملفك اللي بتقدمه تاخد الرخصة الذهبية؟ يبقى لازم تبقى قدم جدول زمني لتنفيذ المشروع؟ بعد الموافقة خلال الشهر الاول هنعمل كذا خلال الشهر التاني؟ جدول زمني تبقى ملتزم به قدامنا؟ نراجع بقى وراك ونشوف انت اخبارك ايه؟ تعهد بتوصيل كافة المرافق على نفقتي كصاحب مصنع او كشركة؟ المرافق من مية وكهربا الى اخر هذا الكلام؟ وصرف تعهد بالاشتراطات المختلفة الاشتراطات البيئية والصحية دي كلها عبارة عن ايه؟ تعهدات؟ تقدم ده كله ضمن الملف بتاعك للهيئة العامة للاستثمار؟ وتنتظر بقى موافقة الهيئة العامة للاستثمار؟ يبقى اذا الشروط زي ما احنا قلنا اهو شركة مساهمة  دراسة فنية للمشروع  جدول زمني للمشروع؟ التزام بتوصيل كافة المرافق على نفقتي؟ وانا هقول المشاكل برضه مش هقول يعني هل ده كافي ولا لا؟ تمام؟ 

زي ما قلت لحضرتك بقى تعهد بالاشتراطات البيئية والصحية؟ كويس جدا؟ حلو قوي؟ انا عرفت الاشتراطات وعرفت المجال وعرفت ان الرخصة دي باخدها مرة واحدة؟ بعد ما بتقدم ده كله للهيئة العامة للاستثمار بتستغرق استخراج الرخصة قد ايه؟ حسب كلام الحكومة من عشرين يوم لشهر؟ طبعا ده كلام كبير جدا؟ لان احنا شفنا النهارده اي واحد عايز يعمل مصنع دلوقتي في اي مكان غير موضوع الرخصة الذهبية؟ شوف علشان يلف اللفة الكبيرة جدا وموافقات طوب الارض علشان يجيبها وبعد كده يروح يقعد بالشهور عشان يروح هيئة التنمية الصناعية في القاهرة في التجمع هياخدها امتى؟ فاذا جميل جدا ان انا هطلع الرخصة ده الوقت بالنسبة لي كمستثمر فلوس  time is moneyده كلام المستثمرين يبقى الرخصة هتطلع لي خلال شهر حسب الحكومة ولو حتى خلال شهرين يبقى من الله حلو جدا تمام؟ طيب السؤال هنا ايه اللي بعد كده

خد الرخصة دي يعني يا دكتور رضا ده كلام نظري كده ولا لسه بنحلم ولا تم تنفيذ الفعل؟ هقول لك ايوا فعليا في شركات منحت الرخصة الذهبية خلال الايام اللي فاتت في شركة اماراتية اللي هي مصنع للاسمدة في قنا مصنع كبير جدا برأس مال حوالي 400 مليون دولار هيقام في قنا الاسمدة اللي بتلزم الانتاج الزراعي الاسمدة ومستلزمات الانتاج الزراعي وخد الرخصة الذهبية ومنح الرخصة عندنا برضه مصنع لسه واخده الرخصة من يومين اللي هي مصنع شركة يازاكي اليابانية لانتاج مستلزمات السيارات والضفائر والكلام ده كله مرتبط بالسيارات الكهربائية يبقى هي مرتبط بالنشاط الاسمدة سلع استراتيجية وتحقق الامن القومي وتحقق المصلحة الوطنية

الدولة النهاردة شوف احنا بنستورد اسمده بكام شوف تكلفة الاسمدة بكام انا لو وفرت الاسمدة بسعر كويس والمعروض للاسمدة تزيد هينخفض سعرها بالتالي ينعكس على تكلفة الانتاج الزراعي وبالتالي تكلفة الحاجة اللي انا هاكلها كمواطن في المدينة يبقى بالتالي لازم ندور على ما هو استراتيجي ونشتغل عليه يبقى منحت اقول لك ايوة منحت لشركات وبالتالي اذا الباب مفتوح تتوكل على الله وتدخل هذا المجال السؤال اللي بعد كده السؤال السادس هل هي كافية؟ اقول لك من حيس المبدأ ده يعني من فضل من ربنا ان احنا خلاص يعني بدأنا ننفذ هذا الكلام ونعمل الرخصة الذهبية وتطلعي رخصة واحدة ما اقعدش الف بالورق جميل جدا لكن هل ده كافي؟ هل ما فيش مشاكل؟ لا في مشاكل كتيرة جدا المستثمر بعد ما هياخد الرخصة لازم نجاوب على اسئلة هل في رعاية لما بعد منح الرخصة؟ هل هتحميني من ان انا ادخل بقى ابص الاقي واحد جاي يلف حوالين المصنع؟ بعد ما خدت الرخصة؟ ولا التعامل هيبقى مباشر مع الهيئة العامة للاستثمار؟ يعني انا عايز زي ما بيشبه كده خدمة ما بعد البيع يعني انا كمستثمر اجنبي لان النهاردة انا عايز اجيب الناس دي زي ما قلت لك قبل كده ازاي

هقول النقطة الاخيرة دلوقتي لكن زي عايز اقول موضوع تكاليف اخرى الموضوع مش الرخصة وبس التكلفة على الطرق اه صرف كارتات كتيرة جدا وبالذات سيارات النقل اللي بتنقل ، الاراضي الصناعية يعني النهاردة انا هحط المرافق بكام؟ يعني انا عايز الدولة تراجع موضوع تكلفة المرافق الدولة ليست تاجر

الدولة تدور على اقل تكلفة للمرافق ويبقى في مناقصة اللي يجي يعمل المرافق باقل تكلفة واعلى جودة بالمواصفات وما ناخدش ربح انا مش عايز اكسب حاجة من المستثمر انا عايز ادي له الارض في المنطقة الصناعية بالسعر اللي يعني ايه يشجعه انه ييجي وبالتالي لان في النهاية لو خدت دي بتكلفة منخفضة في النهاية يطلع المنتج بتكلفة انتاج منخفضة في النهاية ينعكس على سعر المنتج النهائي اللي هيقدمه للمستهلك بسعر منخفض لكن تخيل معي النهاردة بقى تكلفة الكهربا والمية والمرافق والصرف وكل حاجة بيعملها يقعد يعدد ده كله ما هو ده هي داخل كله ضمن التكلفة في النهاية شف سعر المنتج هيبقى كم؟

 عشان كده احنا خلال الفترة اللي فاتت اه صحيحة تحريك التعويم خدنا تعويم ولا صندوق النقد الدولي واتحررنا من الضغوط على الموازنة العامة والدين العام وعجز الموازنة حلو قوي لكن تكلفة الانتاج اخبارها ايه؟ شف النهاردة تكلفة الوقود اخبارها ايه؟ وبالتالي ده انعكس على تكلفة الانتاج عشان كده كل حاجة سعرها زاد مطلوب نراجع هذا الامر ويكون في ادنى حد ممكن علشان فعلا يحقق هذا الموضوع هدفه يبقى حالا النواحي الاجرائية خلصناها واتغلبنا على البيروقراطية والتكاليف الاخرى قل لنا منها شوية

طيب النقطة الاخيرة ازاي نقدر نستفيد من موضوع الرخصة الذهبية؟ بزيادة معدلات الاستثمار ما هو الموضوع موجود ومن وفي قانون الاستثمار طب ما احنا النهاردة في اماكن بص من الاخر احنا النهاردة في امس الحاجة لهذا الموضوع السؤال هنا بقى مطلوب ايه؟

مطلوب نروج نفسنا ماركتنج ايجيبت ماركتنج ايجيبت يعني ايه؟ اسوق الفرص الاستثمارية ما تستناش لما مستثمر يجي يخبط علي يقول لي انتم عندكم ايه؟ لا انا عندي فرص استثمارية جميلة جدا في كل مكان في دمياط في منطقة تصلح لمصنع كذا يبقى نعمل زي دراسة جدوى متكاملة لمصنع كذا للاساس للانتاج والتصدير لاوروبا مصنع كذا للاسمدة في منطقة محور قناة السويس

مصنع كذا للرمال البيضا في منطقة ما اعرفش شرق قناة السويس في سيناء في المنطقة اللي البكاء على راس الميت يتعمل فيها المصنع وبالتالي يبقى احنا هنا عملنا ايه؟ احنا ونبدأ بعد ما نجهز الفرص الاستثمارية دي نبدأ نروج الفرص الاستثمارية تسويق اللي هو فرص استثمارية فرص جاهزة ده انا هقول له اتفضل طبق دهب اهو ادي فرصة استثمارية ده مشروع متكامل تكلفته الرأسمالية هتكون في حدود 100 مليون المصنع هو الانتاج كذا جدواها الاقتصادية كذا تعال اتفضل هييجي مين اللي هييجي بقى؟ استهدف مين بقى؟

استهدف صناديق الاستثمار صندوق الاستسمارات العامة السعودي صندوق ابو ظبي للاستثمار شركة مبادلة الاماراتية ، صندوق الاجيال النرويجي اللي هو صندوق النقد النرويجي اللي رأس مال هو اكبر صندوق سيادي في العالم واحد وتلاتة من عشرة تريليون دولار بيستثمر في عشرات الدول احنا ما نستناش والناس دي عايزة تدور على فرصة استسمارية طب ما احنا عندنا فرض استثمارية وبالتالي نبدأ ندعوهم يبدأوا يعملوا واحنا نقول لهم اتفضلوا من خلالها استثمار هنساعدك في كل حاجة وتبدأ يبقى موجود عندي شركات لتقديم الخدمات العامة شركات راقية زي اللي انا بحاول اسعى ان انا اعملها حتى في المركز بتاعي يجي لي ياخد كل خدماته هو ما يشلش هم ما يبقاش جاي ومهموم هيقابل موظفين وهيقابل الروتين والكلام ده كله لأ انا خلص لك الامر ، أعمل لك الشركة شركة مساهمة اجيب لك في الاطار الزمني ، حضرتك تيجي يا باشا بالتكنولوجيا بتاعتك تعمل المصنع بتاعك ده ممكن؟ ممكن طبعا اومال اللي عمله ده كله عمله ايه؟

 في ناس وافقت وافق لهم ولا يبقى اذا ممكن ساعتها هتيجي تتدفق الاستثمارات بعشرات المليارات تخلق فرص عمل تزود العملة الصعبة ما تخلينيش ادور في الدايرة المفرغة بتاعة التعويم وصندوق النقد الدولي وجع اللي القلب وده هينعكس في النهاية على الانتاج والمعروض والاسعار وبالتالي الصادرات ووضع الجنيه

والدنيا تبدأ تخضر من تاني الاستثمار يبقى الاستثمار هو كلمة السر النقطة الاخيرة اذا كان ده بنعمله لهذه الانشطة اللي انا شرحتها في اول الكلام ماذا عن الانشطة الاخرى؟ الكلام ده لابد ان يعمم على مستوى المحافظات اللي هي مكاتب خدمات الاعمال ومكاتب رجال الاعمال الموجودة في المدن الصناعية اخبارها ايه؟ هل بيتم فيها الكلام ده؟ طب الناس اللي مش في الانشطة دي نعمل فيهم ايه؟ هل هنفضل نسيبهم يدورو في ده؟ مطلوب ان احنا نوسع هذه الدائرة اكتر ونبدأ نعمم هذه التجربة وتبدأ مكاتب الاستثمار في كل محافظة تنفذ هذا النهج ويبقى نافذة واحدة وساعتها يتغير وجه الوطن أتمني تكون الوجبة كافية واشكركم شكرا جزيلا

m2pack.biz